廁所廚房防水層都關我事?

可能有些朋友未知廁所和廚房位置在鋪磚之前仲會有多一個工程，就係鋪設防水層喇。防水層是防止廁所廚房等大用水量地方漏水到下一層，所以防水層整得唔好關我地好大事㗎。唔想之後漏水俾人投訴就睇吓今次的裝修小教室，會同大家講吓防層樓小知識喇

防水層做法/施工

防水層會在廁所和廚房打拆完再泥水批盪之後鋪設的。水泥批盪把地台盪得斜斜的，令水斜向排水管

首先會在牆邊位加上水泥填補凹槽以確保邊位不會養水。
之後會鋪防水料。因為淋浴時牆身都會濕水，所以一些師傅會在淋浴位置牆身鋪上防水(淋浴位置牆身防水通常會油到1.8-2米，其他地方牆身可以油低一點(都建議高於用水位置)
等待防水層乾透後再補上第二層，正常兩層才足夠防水，有些還會有三層防水層的
待最後的防水層都乾透後就可以試水了；將廁所和廚房地台注水大約5-10cm高，放置十多小時或一天看看塗層有沒有漏水。各位也可以去一起見證防水層是否合格

在試水完成後就會進行鋪廁所廚房磚的程序。因為內地磚磁磚運送時間平均3-4日（歐洲磚來香港一般要3-5個星期），所以未揀好磁磚的朋友仔要趕緊在鋪防水層之前要揀好和購買。