意大利磚、意大利木紋磚小攻略

意大利磚彷彿就好似磁磚界的勞斯萊斯一樣高級品的象徵，一些磁磚可以售$100港幣一呎，但要注意並不是所有市面售賣的意大利磚都是靚磚，亦都不是售價越高就代表越好的。今期嘅磚上家居裝修攻略就同大家講一下意大利磚的注意事情，希望幫大家在選購意大利磚之前打打個底買到好磚。

1.意大利磚質素

大家在磚鋪揀選磁磚時都可以測試一下磚的品質，首先從磚面色澤和噴墨上，仔細觀看磚面紋理顏色是否細緻不會有一點點的。如果可以的話輕輕敲一敲磚身，密度越高聲音會越清脆代表越硬。吸水率也同樣，率越低代表密度越高越硬，作為地磚要低過3%才好，一些意大利品牌會列出測試結果和認證。

要注意一些不良商戶會將一些意大利牌子但內地製造或內地製造出口到意大利的木紋磚標為意大利磚賣

另外大家可以睇睇木紋磚全攻略，有更多揀木紋磚嘅技巧同心得。另外磁磚小百科都有講到磁磚背面的小秘密

2.意大利磚vs國內磚

其實在硬度和耐用方面，兩者分別不大，因為國內燒磚技術近年都得到提升，燒磚溫度控制同表面防滑處理都做得很好，所以近年都無了進口磚質量好一點的說法了。然而意大利磚的優勝之處會注重磚面紋理的處理，磚紋的迫真程度會比國內磚高。磁磚重覆性會根據紋理、顏色和觸感會有一個級別來區分，由V0的每塊磚紋理完全無變化至到V4的每塊磁磚紋理或顏色各不同，好的意大利磚會有20個以上的不重覆板面即V2或3（每100呎約用120x20木紋磚39塊），正因為重覆性較少所以紋理上的設計會更突出更大膽，這亦是一些設計師鍾情用意大利木紋磚的原因。另外觸感方面意大利磚面會有突出一點的凹凸來還原真實樹木的質感，這方面歡迎大家上嚟摸一下比較。

3.意大利磚價錢

價錢方面意大利磚會是國內的約兩至三倍（可參考磁磚價錢），如木紋磚會由$58至$95港幣一呎不等，乎牌子同質量而定。當然一些質量差的磁磚會再便宜一點，但因為船運和寄倉費用的關係價錢一般都會比好質量的國內磚貴，所以選購時要認真考慮清楚。另外要注意價錢是否包含腳線、掃口粉和運費等附加費用，免得最後先知實價影響預算。一般意大利磚的地腳線要60-100港幣一條。當然來我們磚上家居明碼實價外，相同質素的意大利磁磚會比旺角地鋪平1-2成。

我哋磚上家居都有代理多款知名意大利磚品牌，排名不分先後：del Conca、Casalgrande Padana、NovaBell、Abita等等都是有著各項測試認證的3A和V3級別磁磚和木紋磚。歡迎大家蒞臨我們荔枝角門店或到網上意大利木紋磚目錄看看。

4.磚業推介

如果問我瘦小編邊款意大利木紋磚好我會推介Dom Ceramiche的這款IV125，首先這品牌出品的木紋磚會偏向自然平和的紋理，好適合無印風的家居設計。其次這款又是木紋磚少有的暖灰色系又稱百搭色系，型格得嚟又有暖意，家俱可以配搭冷色系的灰、白和黑色，配搭暖色系的棕、啡和黃色都可以。

5.意大利磚保養

保養方面要再三提醒千萬不要用高腐蝕的清潔劑如松節水，藍威寶或清石水來清潔。雖然一些意大利磚會有通過防腐蝕測試，但都不建議使用因為磚面的噴墨在長期高腐蝕環境都會有變化。

如果心急想要用清潔劑清潔磚面污垢或裝修後既泥水跡的話，就要緊記以下三步曲「暗位、稀釋、細面積」

暗位－由於清潔劑多多少少都有唔同程度的腐蝕力，在未知對磚面造成損毀既情況下，切記不要貪快貪方便直接用清潔劑清潔全屋。萬一清潔劑腐蝕力過強，對磚面造成傷害既話，將會造成不可逆轉的後果。所以暗位（唔見光位）試驗係好重要，先係暗位用稀釋好既清潔劑抹上去磚面，如果清潔效果ＯＫ，對磚面又無乜可見傷害的話，先至用落全屋磚到做清潔，咁樣就最安心又放心。
稀釋－相信大家都知道，大部份清潔劑都需要稀釋後先可以用於拖地抹磚。但網上面既教程林林總總，清潔劑又多款，個個講既稀釋比例又唔一樣，1:99、1:49定係1:1?
係呢個問題上小編認為唔能夠一概而論。視乎磚面污跡或泥水跡程度，每個人需要既清潔劑濃度都未必一樣，所以無最好既比例，只有最適合自己既比例。至於點樣去搵到最合適自己既比例呢？重點一樣係耐心，要將對磚面傷害減至最低，就先由最稀既濃度開始調整，同樣用係暗位試驗一下先，如果清潔能力未如理想，再慢慢減少稀釋比例，直至覺得效果ＯＫ，先用於全屋見光位。
細面積－其實道理都係好簡單，逐少逐少開始試，效果OK就繼續，效果唔OK都可以「止蝕」收手。所以最重點既都係比多點耐心，而且少抹多次，不適宜一次過將稀釋好既清潔劑通通抹哂上去「趕收工」

雖然話地磚係最「粗用」既物料之一，但自己辛辛苦苦裝修完既成品，適心既打理令磁磚可以保持最喜歡既色水同時延長使用壽命，先至對得住裝修時期既辛勞。